Tuesday, July 27, 2010

Kya kahey aapse...


Raaz-e-dil ab aur bayaan nahi hota
Bin kahey chup rehna bhi asaan nahi hota


Jazbaat kuch dabb gaye hai mujme aisey

Ab meri shakhsiyat se jurra mera hi naam nahi hota...

~Meg Urf Kashish

Saturday, July 24, 2010

Aam si main

Aur aam si baatein meri

Gar hota kuch khaas mujme

To Tanhayee na hoti Sathi meri

~M
Yun na ho fidaa mujpar

Na baat mujme koi aisi hai

Ye beizari,,,ye tanhayi....

Ye saarey detey gawahi si hai

~M

Wednesday, July 21, 2010

Aaj ka haal...


Jiya hai maine Jee bharkey

Ab bhar gaya hai Jee Marr marr key ...


~Meg

Tuesday, July 20, 2010

Rooh-e-Beizaari


Bhula chukey hai hum Khudko Is Kadar se.....

Manzil kya

Rasta kya

Khwahish kya

Justuju kya


Paakar bhi na khush hai hum

Gawakar bhi na Afsurda


Na Giley

Na Shikwey

Na Malaal koi


Sans aty hai... Jaty hai

Ho Seeney mein jaise Kamaal koi

Ab Mazeed thakaan se choor hai hum
Zindgi na kar ab Sawal koi....


~Meghna

Bahot hai


Qurbat mein qaraar bahot hai
Hijr mein jeena dushwar bahot hai


Ab har shakhsiyat se milatey hai hath hum

Insaan ke bazaar mein Insaan bahot hai


Zindagi tuney diya to jee bhar key

Jab leney par aya to Ispar Malaal bahot hai


~Meghna

Saturday, July 17, 2010

~Mere Maula~


Ek WOHI to hai hum sabka sahara
Iske ilawa kon kiska kinaara


Jo Mohabbat ke saharey hai jiye jaa rha

Woh har shakhs hai bechara bharam ka maara


~Meghna

~Kee dass dey ne Aye dil mere~


Seeney pe ghaney pairon ke nishan tere
Gawah hai baney the tum mehmaan mere


Dastey hai Inayat-e-Tanhai ke saperey

Pehro Peher hue mere Sehar-o-Shab hanerey


Zakhm kuredkar hue aur bhi Gehrey

Jab waqt ne Bazm-e-Yaar mein na diye zaat ko baserey


Hai Mukhtasar si Ibadat sun Maula merey

Ab basney na paye dil mein ye Qatil se Chehrey


Ya Seeney mein badalkar basa naye dil ke derey

Ya apni Hifazat mein baandh fanaa kar is Janam ke pherey

~Meghna

Monday, July 12, 2010

~Zindagi Tamashayee~


Muje paaney ko kitno se lad gaye tum
Ab muje dur karne ke liye ladtey ho tum


Main khud thakk chuki hu ladkar khudse

Ab kisi aur ke honey ko ladtey ho tum

~Meg

Jahan-e-Ghum



Ek ajeeb sa khayal zehen mein aya hai
Sheher-e-tanhayi ne ye mehsus karwaya hai

Insan ki basti me insan ko insan nahi milte
Halanki insan ne khud insan ko aisa banaya hai

~Meg