Tuesday, August 17, 2010

~Farsh se Arsh tak tanhayee~


Kitni behis-o-bejaan guzar rahi hai zindagi
Koi aakar Kaifiyat ismey daal dey


Ye barhty, thamty hui sanson ki raftar

Kaabu mein lekar koi haseen si chaal dey


Uljhey bikhrey hue gesuon ki manind

Seeney mein shor karte sawalon ko uchaal dey

Barf mein tanha jhulasta hua darakht hun main

Koi roshni ki kiran aaye is sard ko pighaal dey


Chehrey ko bhool gaya hai muskuraney ka fann

Jo ek arsey se hua nahi, woh maujeza kar kamaal dey


Jis koochey ki dhool mein safar-e-tanhaii kaati

Ilahi us dar-o-diwar mein ab na koi maah-o-saal dey


~Kashish

5 comments: