Sadeeyon se quaid hun main tanhayi ki giraft mein
Mujhe azaad kar jao lekar apni sohbat mein
Maanga karungi umr sari tumhe rabb se mannat mein
Na dekha karo mujhe pehron yun ulfat mein
Main tumhari hi hun...Kyun ho itne hairat mein
Jismon mein na sahi...Rooh bankar milungi Jannat mein ..!!!

~Kashish

Jee udas hai
Ankhon mein pyas hai
Dharkano ka tuta saaz hai
Wajah ek raaz hai ...!

~Kashish

Phir khayal-e-tum aye ho
Phir dooba hai dil mera
Phir sehem gayi hun main
Phir bicha hai jaal tera

Kaanp uthi hai rooh meri
Qurbat ki woh aarzu jagi
Phir koyle si shab hui
Aur bujh gayi ye mombatti ...!!!

~Kashish

Ek aise safar par chal padi hun main
Jahan apne wajood ko khojty hun main

Jee lia behisaab mann-maaniyon mein
Ab hosh o hawas ke sirrey kholty hun main

Na gharz kisisey, Na wasta mujhe ab
Duniya tere mutabiq...aap badalty hun main

Ishq-e-Majaazi ghazab tamaasha hai TU
Ishq-e-Haqeeqi teri oar chal padi hun main .... !

~Kashish

Ishq-e-Majazi(Insaan se Mohabbat) /
Ishq-e-Haqeeqi (Khuda se Mohabbat)

~Deewar Chup Rahi~

Aangan bol utha, Khirkiyan ro padi, Deewar chup rahi..
Ghar ke barey me sabne kuch na kuch baat kahi... Deewar chup rahi

Kabhi rang aur shor se bharey ghar me aaj Sannata kyun hai.. Poochneywalon ne poocha kitna ... Deewar chup rahi

Alvida keh kar ghar ke pattharon ko usney murr kar na dekha...
Ta-umr khirkiyaan raah takty rahi...Deewar chup rahi

Waqt ke daayre se pighal pighal kar apna aap gawaaty rahi...
Julastey halaaton mein ek roz yun hua ke deewar gir pari...
aur khaaknasheen hui ..!

~Kashish

Dil ki hulchul tumhare samney hai sari ...
Ye adhurapan ... Ye aarzu tumhari ..

~Kashish

Koi aah nahi...Koi chaah nahi
Na shauq-e-mehfil...Na zauq-e-adaakari

Zindagi hai ke behis jiye jatey hai
Chand neimato se jee behlatey hai ...

~Kashish

Ab tumhe Rabb se maangna chor diya hai
Lo aap hi ke kehne pe ye mor liya hai

~Kashish

Kyu mujme bas gaye ho aise
Juda karna chahun bhi to naa ho jaise

~Kuch chehrey jooth boltey hai~

Jis Chehre me kabhi Mohabbat, Masoomiyat aur Mehboob nazar aata tha
Aaj Usi chehrey ko gaur se dekha
To Uske har Naqsh mein
Mera Sukh, Chain, Hansi, Khushi, Khwab aur Armaano ka
Qaatil nazar aata hai ...

~By Kashish