Socha tha jee halka karne likha karungi
Dil ki baatein jo keh na paun khud hi se kahungi

Par ye kya hua ke likhker bhi chain na paya barbad-e-dil ne
Aur gazab lutf uthaya jab fasana suna sar-e-mehfil ne

~Kashish

Ye duniya jisne banayi hai
Usey ye soch kahan se aayi hai

Koi shakhs yahan aisa nahi
Jiski hasrat paisa nahi

Dilon ki baat na karo yaaro
Ye ranj-o-ghum ka sheher hai pyaro

Ruktey chaltey uthtey bethtey
Sotey jagtey mehez bhatkey rehtey

Kahin khwahish-e-haasil mohabbat hai
Kahin pamaal viraan-e-dil ki barkat hai

Kahin peher-e-hijr mein zindagi ruki hai
Kahin sajda-e-mohabbat me rooh jhuki hai

Ab tanhayi mein tairkar bhi thakaan hui hai
Kinarey tak le jaye...Kya aisa koi hai ?

~Kashish

Raat diye se baatein karti rahi

Raat guzar chuki hai aadhi
Arsh-e-Khuda bhi pur num hai

Dhuan uraa gayi hai baati
Aur bujhey bujhey se hum hai

~Kashish

~Aaneywala~

Ye kaun shakhs hai meri taqdeer mein
Zindagi ki raahein jis-sey mileygi
Ek Umr to katt gayi uske bin
Par Zindagi usi ke sang kateygi

Woh koi aam shakhs nahi
Jisey khuda se maine hai maanga
Jab dekhun hatheliyon ko apni
Usi ke naqsh se buna hai taqdeer ka dhaga

Main chahey kahin par bhi palun
Mujhe Woh dhoond hi lega
Hai yakeen is dil ko mere
Jo sada mera hi raheyga

Mere shohar....Mere dilbar
Mujhe woh khoney hi nahi deta
Dawa hai uska main usi ki hun
Jo mujhe kisi aur ka honey nahi deta

~Kashish

~To kya baat ho~

Kitaabon ke panne palatkar sochty hun
Yun palat jaye zindagi to kya baat ho

Tamanna jo puri ho khwabon mein
Haqeeqat bann jaye to kya baat ho

Zindagi har chiz marzi-e-waqt dety hai
Kabhi be-waqt mil jao tum to kya baat ho

Baaton se to le gaye tum dil mera
Kabhi mujhe bhi apne sath le jao to kya baat ho

Qurbaton mein to har koi jeeta hai zindagi
Kabhi dooriyon mein bhi jeekar dikhaye to kya baat ho

Zinda rehne tak to har koi karta hai mohabbat
Tumhe to markar bhi main chahungi to kya baat ho !

~Kashish

.....

Zikr-e-judai kitni asaani se kar gaya woh
Chand lamhon ki zindagi mein ek lamha kam kar gaya woh

~Kashish

~Mausam-e-Sard Ya Mausam-e-Dard~

Mausam mere ird gird thehra hua hai
Dard char-su phayla hua hai

Rutt jaise hai aaty aur jaaty
Kash dard ki bhi ek rutt tay ki jaty

Taki waqt be-waqt dastak-e-dard na aata
Aur jab jab aata ...Waqt-e-rukhsat lekar aata

~Kashish

~Jab na teri meri baat hoti hai~

Seh letey hai sitam tere
zaban teri
bol tere
anginat lamhein ese
jahan tune diye
dard ghanerey
Woh bin sochey
Zuban se nikley
Harf tere
Kabhi zikr-e-judai
Kabhi hijr ke pherey
Seh letey hai hum
Zakhm sham sawerey
Fakat islye Sanam
Kyuki dekh liye mene
Sarey chehrey tere
Ku-ba-ku zindagi mein
tu hi tu hai phaiyley
Mohabbat tujhi se ki hai
Jese bhi ho
Akhir TUM ho MERE

~Kashish

~Quaid-e-Kismat~

Jaanleva hamla hua hai aaj mujpar se
Koi jazbaat dooba hua aya hai ubharkar ke

Kitni adhuri khwahishey liye dil jeeta hai
Issey behtar main paa lun manzil jahan maut ki cheeta hai

Koi shor nahi dil mein kitne ghaney andherey hai
Raat sakht lambi aur koso door sawerey hai

Quaid kar lun main apne apko apne hi giraft mein kuch aise
Goya qabr mein lash rakhkar duniya quaid karty hai maut jaise

~Kashish

Ye mausam jaise sadeeyon se chala aa raha hai ...Aur sadeeyon tak door jayega

Dard ne jab janam lia hoga
Sath Maut ki tareekh likhna bhool gaya hoga Khuda ...