~Kuch chehrey jooth boltey hai~

Jis Chehre me kabhi Mohabbat, Masoomiyat aur Mehboob nazar aata tha
Aaj Usi chehrey ko gaur se dekha
To Uske har Naqsh mein
Mera Sukh, Chain, Hansi, Khushi, Khwab aur Armaano ka
Qaatil nazar aata hai ...

~By Kashish

Kitni bar tora hai mujko ... Kaunsa mushkil hai tumhare liye
Kitni bar sambhli hun main ... Allah Allah kiye ...

~Kashish

~Ab Sirf Main Hun aur TU hai~

Main hun ke karty hun roz dua tujse
Tu hai ke Khuda bankey betha door mujse

Main hun ke jab khud ko paun majboor khud se
Tu hai ke zameen pe ata hi nahi teri Jannat se

Main hun ke purzor Tanha hun ab hudd se
Tu hai ke shifa de sakta hai mehez tere aamad se

Main hun ke sanwar jaungi teri zarreybhar naimat se
Tu hai ke hidayat de muje teri hukumat se

Main hun ke umeedon ke baag laga bethi hu adat se
Tu hai ke thakta bhi nahi meri itni hasrat se

MAIN hun ke TU hai Na pehchan paye ab koi
Aye Khuda TU kar ley mehfooz muje apni Qurbat se

~Kashish

Unbearable Pain inside ME

Aj dard phir utha hai seeney mein
Kahan se laye haunsla jeeney mein

Baithe hai aaj maikhaaney mein
Peekar hi shayad asan ho ghum bhulaney mein

Katra katra tadap raha hai
Aag si lagi mere aashiyaney mein

Hosh kho jaye aur behosh hi rahey hum
Haan Khuda tera ye usuool aj todey hai hum

Mujse bardasht nahi ho raha ye dard
Aaj sirf sharaab hai mera humdard

Main seh nahi pa rahi jo guzar raha hai mujpar
Muje koi door kahin apne aap se bhi door le chal .....

~Kashish

Jinke kandhey pe sar rakha karte the tanhaiyon mein
Woh chod gaye hai mere dost saarey mujhe dard ki gehraiyon mein

Thakk gayi hun ... Haar gayi hun ...Har chiz se..Har shay se
Mubarak ho tum sab ko ... Khush raho apni ranginiyon mein

Chaley jana hai mujko itni dooor yahan se kahin
Marr kar bhi na aaun main ab tum sabke aashiyano mein

~Kashish

Sakoon na dhund is ehl-e-chaman mein
Ye to milta hai khud apne gireyban-e-watan mein ...

~Kashish

Na main tumhari Mohabbat hun
Na tum mere Dost ho

Main tumse ba-khabar hun
Tum bhi na be-khabar ho

Main tumse anjaan to nahi
Tum naam-e-sitamgar ho

Jab tera mujse na rabta na taluqaat koi
Phir kyu zehn-o-dil ko tera khayal-o-khabar ho

~Kashish

Kabhi yun hota tha
Ke hum bhi hote the
Tum bhi hote the
Aur sama-e-gulshan hara bhara

Ab yun hota hai
Na hum hote hai
Na humdum hota hai
Bas hota hai mausam-e-dhuan dhuan

~Kashish

Muje kuch bhi nahi yaad Ab...Siwa Rabb !

Teri bakshi hui zindagi ke din do chaar hai
Aise mein sara wajood kyu Sogvaar hai

Mera koi sahara nahi
Ek TU hi madadgaar hai
Mere mehboob-e-Khuda
Ye bandi teri shiddat se talabgaar hai ...

~Kashish

Mehboob-e-Khuda

Aye Khuda teri mohabbat-e-musalsal mein masroof hun is kadar
Ke tere pehle na koi naam tha ...Na baad mein koi hoga

- Kashish