Patjhar

Zindagi Raaton ka naam hai
Zindagi ki wadiyon mein kaali ghataon ki shaam hai
Zindagi yun to tu mujme Zinda hai
Phir kyu janey maut ka ye sangraam hai

Sahilon pe machaltey hue ye sailaab
Meri ankhon ke ashqon ka dusra naam hai
Safaiyon mein guzaar di zindagani maine
Janey kin Gunahon se zindagi badnaam hai

Patjhar tu aayi thi kisi roz ek mausam bankar
Bejaan zard lamhey kyu itne meherbaan hai
Fursat nahi diwar-e-dil ko safaid lamhon se
Aur jahanbhar mein rangon ke mahal aalishaan hai

Aye ghum tu chor dey ab ghar ye mera
Aur kitni barbadi tuney likhi mere naam hai
Ab sona chahty hun main sakoon se kuch is kadar
Jahan Kabr-e-ghar ke darwazey par dastak na salaam hai

~Kashish