Yahan har koi hai, par akela sa lagta hai...Mera dil nahi lagta ajkal kahin par bhi...Yun lagta hai jo paas hai woh door hai, jo door hai uski chaah hai ...
Yun lagta hai, jaise muje chorkar har koi khush hai zindagi se. Log kitne matlabi hote hai. Paison ki daud maine aksar dekhi hai, Par khushiyan hasil karne ki daud pehli bar mehsus ki. Yun lagta hai jaise is muqabley mein main haari haari si hu, thaki thaki si hu, aur shayad sabse peechey chal rahi hu...Logon ke beech rehna bhaata nahi. Jo aas paas hai unse jabardasti hanskar bolna padta hai, milna padta hai, ghulna padta hai. Jaise mere mutabiq kuch nahi chal raha. Meri khushiyan kisi aur ke hathon mein hai. Kyu mere bas ki baat nahi yeh ? Kyu jab chahu tab hans nahi sakti main?
Muje kuch acha nahi lag raha andar se. Ajeeb sa akelapan hai, ajab si ghabrahat hoti hai, ghutan hoti hai bheed mein. Yahan har koi apni parwah karta hai, dusrey ki nahi. Baatein bhi jaise ehsan karte hue karta hai, khana jaise ehsan karke parosta hai, ghumne koi ehsan karke le jata hai, meri baaton par bhi jaise ehsan karke hansta hai, sunta hai. "Formality" se bhari duniya, jahan koi kisika bhi nahi ho sakta. Aise mein kash Woh mera Apna mere paas hota. To shayad yun na mehsoos hota. Kash Woh mere liye bhi woh sab karta jo mohabbat mein ek shakhs dusrey ke liye karta hai. Ek aam ladki ki tarah mujhe bhi haqq hai aisi zindgi ke khwab dekhne ka. Sapney jo sajaye hai barso se, inhe poora karne shayad Woh ayega...
Woh intezar, Woh ek Umeed, mere liye gehrey samandar ke beech jaise tairty hui lakdi ka sahara hai ... Jisey pakad lia hai maine, thaam lia hai maine, jab tak kinaara na mil jaye ... !!!
jab koi itna yaad ayy tu dunia ki her shey formality hee lagtee hey..:)
ReplyDeleteek gana zehan mey aa raha hey...but
its in punjabi..if u need translation let me know..
soneya dill naii lagda tery bina..
ro ro k din langdey ney raatan nou giney tary
dill sada hokey pharda disdey na sajan piary
avey teri yaad pal pal baad,
kaliean naii katdian raatan...
nayn ney karan udikan mulakatan nou
taras gay kun soneya mithian batan nou
soneya dill naii lagda tery bina
:)
nahi reflection
ReplyDeleteye post kisi ki yaad mein nahi ... ye post mere dil ka haal hai ... jese kuch kami si hai...wo poori ho jaye to kuch sakoon miley..jab logo ko hanstey kheltey dekhty hu apno k sath tab adhura sa lagta hai muje...mere aas paas jo log hai, har koi apney hissey se khush...mere hissey mein khushiyan jese tol mol ke aaty hai, na ek tinka zyada, na ek tinka kam..Khuda janey kaunsi raah liye ja raha hai muje ... ankhon pe patti bandhey janey kahan chal padi hu main...Ab Meri samaj ke bahar hai ye takdeer ka khel...
zahir hey tumhey kisi cheez ki talash hey, aur tum ye samjhtee ho k, jab tumhey wo cheez mil jay gee tu tum bhee tumhary as pass waley logon ki tarah khush ho jaoo gee, aur phir khush hee raha karo gee...
ReplyDeletemugar my dearest friend....
esi tu is dunia mey koi bhee cheez nahee hey...
sab khushian wakti hien..bus kuch lamhon k liey hien, phir wohee akela pun hey, bus tum hee ho tumhary saath aur tum hee raho gee apney saath..
let me tell you a secret...
jes ki tumhey talash hey, jesi pa ker tum samjhtee ho k tum khush ho jaoo gee...
wo tumhary apney undher hee hey.